१४ वैशाख, गोरखा। बारपाक सुलिकोट गाउँपालिका–५ थालेस्थित पिपलबोट कृषि सहकारी संस्थामा चोरी भएको छ । शनिबार राति संस्थाको कार्यालय तोडफोड गरी २ लाख १५ हजार रकम चोरी भएको संस्थाका अध्यक्ष रामबहादुर खड्काले बताए ।
‘भवनको मूल गेट र सेफ राखेको कोठाको चावी फुटाएको देखियो,’ उनले भने, ‘सेफको लकर फुटाएर भित्र राखेको पैसा लगेछ ।’ घटनाबारे प्रहरीलाई जानकारी गराएको उनले सुनाए ।
जानकारी पाए लगतै प्रहरी निरीक्षक ध्रुवप्रसाद शर्मा नेतृत्वको टोली घटनास्थल पुगेर स्थलगत निरीक्षण गरेको छ । ‘संहकारीको आफ्नै भवन रहेछ, गाउँदेखि अलि पर एकान्त जस्तो ठाउँमा रहेकाले पनि चोरी हुदाँ थाहा नपाएको हुन सक्छ,’ उनले भने ।
ढोकाको चावी र सेफको लकर फुटाएको अवस्थामा भेटिएको उनले जानकारी दिदै उनले घटनाबारे थप अनुसन्धान भइरहेको बताए । सिसिटिभी जडान नभएकाले चोरी गर्नेको पहिचान गर्न समस्या भएको उनको भनाइ छ ।
उक्त सहकारी २०७२ साल बैशाख महिनामा खुलेको हो । संस्थामा हाल करिब दुई सय जना सेयर सदस्य छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4