लङअफमा करण केसी क्याच आउट । नामिवियालाई १६९ रनको लक्ष्य ।

बोल्ड ! अफ स्टम्प बल रिड गर्न नसकेपछि भीम २६ रनमा बोल्ड । बेर्नार्डले १० ओभरमा २ मेडनसहित ३१ रन खर्चेर ४ विकेट लिए । अन्तिम ब्याटरको रुपमा ललित आएका छन् ।

कभरमा उत्कृष्ट क्याच र सोमपाल कामी आउट । निकोलस डेभिनले उत्कृष्ट क्याचका साथ कुनै मौका दिएनन् । अन्तिम आशाको रुपमा करण आएका छन् ।

नो गर्जन टाइगर टुडे । लोफ्टीलाई अघि बढेर खेल्ने धुनमा मिस भएपछि नेपाली क्रिकेटका अलराउन्डर दीपेन्द्रसिं ऐरी ६ रनमा स्टम्पिङ आउट भएका छन् । नेपालको लागि ठूलो झड्का पनि । नवौं नम्बरमा सोमपाल कामी आएका छन् । त्यसपछि दशौंमा करण र ११ औं ललित आउनेछन् ।

जेराल्ड सफल । नेपाललाई ठूलो झड्का । कुशल मल्ल लेगमा सर्ट खेल्ने धुनमा सर्ट फाइन लेगमा ब्रासेलबाट क्याच आउट । आठौं नम्बरमा दीपेन्द्रसिंह ऐरी आएका छन् । नेपालको ब्याटिङ १० नम्बर सम्म । सोमपाल कामी र करण केसी राम्रो ब्याटिङको क्षमता राख्छन् ।

लेग स्पिनर लोफ्टीलाई ठूलो सट खेल्ने धुनमा टप एज लागेर रोहित पौडेल गल्लीमा बेर्नार्डबाट क्याच आउट । रोहित, देव र अनिल आज शून्यमा आउट । कप्तान रोहित खराब सट खेल्दै पेभेलिएन फर्केपछि सातौं नम्बरमा भीम सार्की ब्याटिङ गर्न आएका छन् ।

आसिफ आउट । बेर्नार्डको टर्न बलमा एलबीडब्लू आउट हुन पुगेका हुन् । नामिवियाको जोड अपिलमा अम्पायरले केहि समय लिँदै आउट दिएका हुन् । छैटौं नम्बरमा रोहित पौडेल ब्याटिङमा आएका छन् । ड्रिंस ब्रेकपछि मोमेन्ट्स नामिवियाले हात पारेको छ ।

एज अनि विकेटकिपरबाट क्याच आउट । देव खनाल शून्यमा पेभेलिएन फर्केका छन् । लेन्थ बलमा एज लागेर आउट । पाँचौं नम्बरमा कुशल मल्ललाई पठाएको छ । त्यसपछि रोहित पौडेल र भीम सार्की जस्ता ब्याटर आउन बाँकी छ । नेपालको ब्याटिङ लाइअप आज सन्तुलित देखिदैन ।

ओहो ! ठूलो झड्का । एकै ओभरमा दुई विकेट । अफ स्टम्प केन्द्रित बला अनिल साह एक्स्ट्रा कभरमा जेराल्डबाट क्याच आउट भए । उच्च लयमा रहेका अनिल आउट भएसँगै चौथो नम्बरमा देव खनाल आएका छन् ।

छक्का हानेर खेल जिताउने धुनमा ट्रम्पलम्यान क्याच आउट भएका छन् । कुशल भुर्तेलको बलमा लङअफमा देव खनालले क्याच लिएका हुन् ।

बोल्ड ! जेजे ग्रीन बोल्ड आउट भएपछि नामिविया दबाबमा । सातौं विकेटको पतन । क्रिजमा जेजे स्मिथ अझै पनि छन् । रुवेन ट्रम्पलम्यान क्रिजमा आएका छन् ।

विकेट । कुशल भुर्तेललाई दोस्रो विकेट । स्वीप खेल्न खोजेपनि ब्याटमा बल कनेक्ट नभएपछि विकेटकिपर आसिफ शेखबाट लोफ्टी आउट । विकेटकिपर जेन ग्रीन ब्याटिङमा आएका छन् ।

नेपाललाई ठूलो सफलत । लेग स्पिनर कुशल भुर्तेलले आफ्नो पहिलो ओभरको अन्तिम बलमै अर्धशतक बनाएका जेराल्डलाई आउट गर्न सफल । स्वीप खेलेका जेराल्ड डीप मिडविकेटमा करण केसीबाट क्याच आउट ।

नेपाललाई चौथो सफलता । जान फ्रेलिंक एलबीडब्लू आउट । जेजे स्मिथ ब्याटिङमा आएका छन् । ड्रिंस ब्रेक ।

कुशललाई आफ्नो पहिलो बलमै विकेट । नेपाललाई तेस्रो सफलता । लिंगेन थोरै अघि बढेर सट खेल्ने धुनमा मिस भएपछि स्टम्पिङ आउट ।

रोहितलाई पहिलो बलमै विकेट । उत्कृष्ट सेलेब्रेसन । जेपी कोट्जी मिस भएपछि क्लिन बोल्ड । दबाबमा नामिविया । कप्तान जेराल्ड इरास्मस ब्याटिङमा ।

रन आउट । नेपाललाई पहिलो सफलता । जेपी कोट्जी रनको लागि दौडिएपनि डेभिन निकोलस हेरे बसेका । त्यसैको कारण रन आउट भए ।