अन्तिम बलमा दुई रन र बसिरको अर्धशतक ।

बसिरले किपरको माथिबाट खेलेको सटमा तीन रन बटुलेका हुन् ।

कट ए बोल्ड हुनबाट बसिर बचेका छन् । हेलिगरले एक हातले लिन खोजेपछि जीवनदान पाएका हुन् ।

एलबीडब्लूको अपिल । तर अम्पायरबाट कुनै प्रतिक्रिया आएन ।

राशिद खानले २०१९ मा भुटानसँग १३ औं दक्षिण एसियाली खेलकुदमा टियु मैदानमा टि२० आईमा डेब्यू गरेका थिए । त्यसपछि नेपालको टोलीबाट खेल्ने मौका पाएनन् । उनी तीव्र गतिका बलर हुन् । तल्लोक्रममा राम्रो ब्याटिङ गर्ने गर्दछन् । प्रधानमन्त्री कपमा ७२-५ को अवस्थाबाट १०६ रनको शतकीय इनिङ खेलेका थिए । जसमा ९ चौका र ६ छक्का हानेका थिए ।

सुदूरपश्चिमबाट घरेलु क्रिकेट किरण ठगुन्ना क्लिन हिटर हुन् । पहिलो पटक नेपाल ए बाट खेल्ने अवसर पाएका छन् । टि२० विश्वकप अघि क्यानडासँगको तीन खेल उनको लागि निकै महत्वपूर्ण हुनेछ ।

सुरुवाती ७ ओभरमा नेपालले कुनै विकेट नगुमाउँदै ४१ रन बनाएको थियो । त्यसपछि बाँकी ७ ओभरमा नेपालले मात्रै १० रन जोडेकोछ । १४ ओभरमा नेपाल ५१-१ को अवस्थामा ।

२२ बलपछि नेपालले खातामा १ रन जोडेको छ ।

मयन यादव एक रन लिन चाहेका थिए । तर राशिद खानले नन स्ट्राइकबाट अस्वीकार गर्दै रन आउट हुनबाट बचाए ।

आहो ! कट एण्ड बोल्डको शिकार हुनबाट बचेका छन् । लो बल समाउन हर्ष थोरैले चुके ।

स्टम्पिङको प्रयास गर्दै अपिल गरेपनि अम्पायरले कुनै संकेत दिएनन् । स्पिन आक्रामणसँगै आगतमनले रनको गति घटेकोछ ।

नेपाल ए ले क्यानडाविरुद्ध राम्रो सुरुवात गरेको छ । मधेश प्रदेशबाट खेल्ने मयन र नेपाल यू१९ बाट खेल्ने अर्जुन कुमालले उत्कृष्ट सुरुवात दिलाएका हुन् । विहानको कन्डिसनमा कुनै विकेट नदिई राम्रो सुरुवात दिलाएका हुन् । नेपालसँग तीन ओडीआई खेल खेलेको क्यानडा नै नेपाल ए विरुद्ध खेलेको छ ।

शक्तिशाली बलमा कट एण्ड बोल्ड आउटको अवसर मिस । सन्दीप जोराको हातमा लागेर बल छुट्न पुग्यो ।

मुलपानीमा झण्डै पाँच सय दर्शक आएका छन् । खेलाडीलाई लगातार चियरअफ गर्दै हौसला प्रदान गरेका छन् । श्रेयस मोभ्भा र निखिल दत्तको विकेट लिन सके अझै पनि नेपाल ए को जितको सम्भावना  देखिन्छ ।

जीवनदान । सागर ढकालले बाउन्ड्री नजिकै समाएको बल आफ्नो शरिरको सन्तुलन कायम गर्न नसक्दा छाड्न पुगेका थिए ।

जीवनदान ! एज लागेको बल फस्ट स्लिपमा विवेक यादवले रिड गर्न नसक्दा क्याच मिस ।