Myanmar WT vs Nepal WT

राजेन्द्र तामाङ, मुख्य प्रशिक्षक नेपाल : वुमन्स गोल्डकप हुनु राम्रो हो । तर त्यहाँ तीन विभाग टिम हुन्छ । त्यो बाहेक अझ बलियो टिम ल्याएर यहाँको टिमसँग प्रतिस्पर्धा गरेर बल्ल हाम्रो टिम राम्रो हुन्छ ।

राजेन्द्र तामाङ, मुख्य प्रशिक्षक नेपाल : अब एन्फाले प्लान दिनुभाछ । अप्रिलमा फ्रेण्डील म्याच खेल्ने । अब फिफा विन्डो बाँकी नराख्ने सबैमा खेल्ने । त्यो प्लानमा चल्न सक्यो भने अली फाइदा हुन्छ । हाम्रो खेलाडी बलियो हुन्छ । स्ट्रेनथ बढ्छ । हाम्रो खेलाडीहरु पनि अर्जनाइज भइराछ । लिगहरु भइराछ । खेलहरु भइराछ । त्यो अनुसार भए हामी एएफसी एसियन कप छनोटमा राम्रो खेल्न सक्छौँ ।

राजेन्द्र तामाङ, मुख्य प्रशिक्षक नेपाल : टुर्नामेन्ट राम्रै भयो । सुरुमा हामी भन्दा तलको टिमसँग प्रतिस्पर्धा हुँदा गोल धेरै निस्केन । दोस्रो खेल लेबनान कलियो नै थियो । युरोप अमेरिका अष्ट्रेलियामा खेल्ने खेलाडी थिए । हामीले १-० ले जित्यौँ । फाइनल पुग्यौँ । तेस्रो खेलमा हामीले सुरुवाती दुई खेल हेरेर अर्गनाइज गरेर खेल्यौँ । र सजिलो भयो । हामीले म्यानमारसँग गोल खायौँ र गोल पनि गर्‍यौँ । बराबरी भयो । त्यो हिसावमा हेर्दा आज सजिलो हुन्छ भन्ने थिएन । हामी अगाडीको जस्तो सानो गल्ती गरेर गोल नखाने प्लान थियो । हाई प्लेसिङ गर्ने बित्तिकै हाम्रो ब्यालेन्स बिग्रियो । दोस्रो हाफ राम्रै भइराथ्यो । रेखा पौडेलको स्थानमा रश्मिलाई पठाए । डिफेण्डिङमा अर्गानइज नहुने बित्तिकै पहिलो गोल भइहाल्यो । किपरको पनि पोजिसन भएन । गोल भयो । त्यसपछि पनि हार खाएन । हामीले दबाबमा राख्यौँ । चान्स पाथ्यो तर स्कोर भएन । हामी भन्दा माथिको टिमसँग खेल्दा हामीले अझै पावरफुल भएर खेल्नुपर्छ भन्ने भयो । हामीले कुन तरिकाले लगानी गर्दा कस्तो हुन्छ भन्ने थाहा पाउनुपर्छ । सबै कुरामा काम गर्न पाए राम्रो हुन्छ । म्याानमार टफ टिम हो । प्रदर्शनको रुपमा हेर्दा खेल हो हार जित हुन्छ । तर भित्र खेल्दा अलीकती तालमेल नमिल्दा हार हुन्छ । तर मैदानमा समग्रमा हामीले राम्रै खेलेको हो ।

रेनुका : प्लेअर अफ दि टुर्नामेन्ट एक्सपेक्ट थिएन । खुशी छु । मैले गरेको मिहिनेतको फल जस्तो लाग्छ । चोटबाट ब्याक हुादा सपोर्ट पाइन । त्यो बेला सपोर्ट पाको भए राम्रो हुन्थ्यो होला ।

रेनुका : मलाई के लाग्छ भने बाहिकरा टिमले म्याच एक्सपोजर पाउँछ हामीले त्यस्तो थिए । हामीले अहिले खेलिराछदँ । पहिला थिएन । नर्मल टिमसँग हामी राम्रो खेलिरहेका हुन्छौँ । अलीकती ठूलो टिमसँग खेल्दा गाह्रो भइराको हुन्छ । अनुभवको कारणले गर्दा होला ।

रेनुका : पहिलो हाफमा राम्रो खेलिराथ्यौँ । पहिलो गोल अप्रत्यासित भयो । त्यसपछि खेलमा असर भयो । एक गोल मात्र खाएर केही थिएन दोस्रो गोल पनि भएपनि गाह्रो भयो । टिमलाई प्रेसर पर्‍यो । एकदमै नराम्रो लागिराछ । देशको लागि खेलेको यतिका वर्ष भयो । गोल्ड मेडल ल्याउने रहर थियो । यति मिहिनेत गर्दा पनि दिन सककेा छैनौँ । एकदम नराम्रो लागेको छ ।

राजेन्द्र तामाङ नेपाल कोच : अब पहिलो खेलमा २-२ को बराबरी राम्रै भयो । फाइनलमा पनि टफ फाइट गरेको हो । वरियता नहेरी गेम प्लानमा राम्रो थियो । एउटै समस्या पाएको अवसर ग्मायो । त्यो चान्स सदुपयवग भएको भए राम्रो हुन्थयो । हामीले अप्रत्साित गोल खायौँ ।

तेत्सुको युकी, मुख्य प्रशिक्षक म्यानमार : नेपाली टिम अहिले राम्रो अवस्थामा छ ।

तेत्सुरो युकी, मुख्य प्रशिक्षक म्यानमार : आजको खेल दुवै टिमका लागि राम्रो खेल भयो । हामीले घरेलु टोली नेपालसँग खेल्न पायौँ । यो राम्रो रह्यो । वन्डरफुल म्याच भयो । एन्फा अफिसियलहरुलाई धन्यवाद दिन चाहन्छु । म्यानमारबाट खेल हेरिरहेका समर्थकलाई पनि धन्यवाद । आजको खेलमा दुवै टिमले राम्रो प्रदर्शन गरे । म खेलबाट सन्तुष्ट छु । पहिलो हाफमा नेपालले राम्रो खेलेको थियो । जुन हाम्रो लागि कठिन समेत बनेको थियो । इमानदारी भएर भन्दा पहिलो हाफमा हामीले योजना अनुसार खेल्न सकेनौँ । हाफ टाइममा हामीले छलफल गर्‍यौँ र दोस्रो हाफको लागि यवजना बनायौ । खेलाडीले मेरो निर्देशन पालना गरे र राम्रो भयो । हाम्रो खेलाडीलाई धेरै धन्यवाद । मेरो विचारमा यो टुर्नामेन्ट धेरै राम्रो छ । यस प्रतियोगितामा चार राष्ट्रले प्रतिस्पर्धा गरे । चार टिम राम्रो थियो । हाम्रो म्यानमार महिला फुटबल टिमका लागि धेरै अन्तर्राष्ट्रिय खेल छैन । हामीले यस प्रतियोगितामा चार खेल खेल्न पायौँ । हाम्रो लागि राम्रो अवसर रह्यो । यो अहिलेसम्मको राम्रो टुर्नामेन्ट रह्यो ।

उपाधि जितेको म्यानमारलाई च्याम्पियन ट्रफी प्रदान गरेसँगै इन्टरनेसनल वुमन्स च्याम्पियनसिप फुटबल सकिएको छ ।

नेपालकी मिडफिल्डर रनेुका नगरकोटे च्याम्पियनसिपकै सर्वोत्कृष्ट प्लेअर घोषित भएका छन् ।

प्लेअर अफ दि फाइनल म्याच :

म्यानमारले घरेलु टोली नेपाललाई २-० ले हराएर इन्टरनेसनल वुमन्स च्याम्पियनसिपको उपाधि जितेको छ । नेपाल फेरि उपविजेतामै सिमित भएको छ । नेपाली महिला टोली अन्तर्राष्ट्रिय फुटबलको फाइनलमा हारेको यो १३औं पटक हो । नेपालले १३ पटक फाइनलमा खेल्दा सबैमा पराजित भएको छ ।

Full Time

खेलाडी परिवर्तन 90+6'

May Htet Lu Forward

Naw Htet Htet Wai Midfielder

90+5'

फ्री किक

नेपाललाई राम्रो स्थानमा फ्रिकिक । पेनाल्टी बक्सको एजमा फ्रिकिक पाएको छ ।

90+4'

फ्री किक

नेपाललाई फ्रिकिक । सावित्राले हानेको फ्रिकिक प्रहार म्यानमारकी किपरले बचाइन् ।

खेलाडी परिवर्तन 90 +2'

Bimala Chaudhary Midfielder

Saru Limbu Midfielder

दशरथ रंगशालमा आजको उपस्थिती १५ हजार ५६८ ।

90'

दोस्रो हाफको अन्त्यमा ५ मिनेट इन्जुरी टाइम थप गरिएको छ ।

खेलाडी परिवर्तन 89'

Myat Noe Khin Forward

Win Theingi Tum Forward

खेलाडी परिवर्तन 89'

Than Than Nwe Midfielder

Yu Per Khaing Forward

83'

कर्नर किक

नेपाललाई कर्नर ।

71'

राम्रो अवसर । सविता राना मगरको कर्नरमा सरु लिम्बुले बक्सबाट हानेको हेडर म्यानमारकी किपरले मुस्किलले बचाएकी छिन् ।

70'

नेपाली रश्मिले हानेको भलि प्रहार म्यानमारकी किपरले सेभ गरिन् । उनले पूर्ण रुपमा बचाउन नसकेपछि बल बाहिर गएको छ । नेपाललाई कर्नर ।

68'

म्यानमार लगातार आक्रमणमा । सान थव थव ले दायाँ भागबाट हानेको प्रहार बारमा लागेर बाहिरिएको छ । नेपाललाई केही राहत ।

64'

Myanmar WT - Gita Rana

GOAL !

Own Goal!! म्यानमारले अर्को गोल गरे । करिब १५ हजार दर्शक उपस्थित दशरथ रंगशालाको अवस्था पिन ड्रप साइलेन्स बनेको छ । आत्मघाती गोल भएकव छ। । फ्यु फ्युविनले हानेको लामो फ्रिकिकमा म्यानमारकी कप्तान विन थेइङ्गी तुनले बक्सको दायाँ भागबाट हानेको प्रहार नेपाली किपर एन्जिलाले रोकेकी थिइन् । तर पूर्ण रुपमा क्लियर नभएको बल रोक्न गीता राना पुगेकी थिइन् । गीतालाई लाग्दै बल गोल भएको हो । गीता रानाले बल रोक्ने प्रयास गरेपनि सफल भइनन् ।

62'

Myanmar WT - Yu Per Khaing

GOAL !

Goal!! म्यानमारले पहिले अग्रता लिएको छ । यु पर खिनले गोल गरेकी हुन् । उनले मेदानको बायाँ भागबाट एक्लै बल अघि बढाउँदै नेपालको पेनाल्टी बक्समा पुर्‍याएर चिप हानेको बल सिधै गोलमा परिणत भएको हो । नेपाली किपर एन्जिला बल रोक्ने प्रयासमा अघि बढेपनि सफल भइनन् ।

खेलाडी परिवर्तन 61'

Rashmi Kumari Ghising Forward

Rekha Paudel Forward

60'

पहेंलो कार्ड

म्यानमारकी स्वी यी तुनलाई पहेँलो कार्ड ।

एक घण्टाको खेल सकिँदा पनि दुवै टोलीबाट कुनै गोल हुन सकेको छैन ।

58'

फ्री किक

नेपाललाई अट्याकिङ एरियामा फ्रिकिक ।

खेलाडी परिवर्तन 58'

Shwe Yee Tun Midfielder

Yoon Wadi Hlaing Defender

55'

सावित्राले बक्सबाट हानेको हेड पोष्ट नजिकबाट बाहिरियो । विमला विकको लामो पासमा सावित्राले हेड हानेकी थिइन् ।

52'

कर्नर किक

म्यानमारलाई कर्नर । पुजा रानाले बल बचाउने क्रममा बाहिर गएपछि म्यानमारले कर्नर पाएको हो ।

50'

अफ साइड

म्यानमारकी कप्तान विन तुन अफसाइड भएकी छन् ।

48'

फ्री किक

नेपाललाई डिफेन्सिभ एरियामा फ्रिकिक ।

47'

प्रीति राईको प्रहार फ्रेममा पर्न सकेन ।

46'

दोस्रो हाफ सुरु भएको छ ।नेपाल सुरुमै आक्रमक देखिएको छ । सावित्राले बक्स बाहिरबाट हानेको प्रहार म्यानमारका खेलाडीले ब्लक गरे ।

Second Half Kick Off

पहिलो हाफ गोलरहित बराबरीमा सकिएको छ । दुवै टोलीले गोल गर्ने केही राम्रो अवसर बनाएपनि गोल भने हुन सकेन ।

Half Time

विन तुन र गीता मैदान भित्र प्रवेश गरेका छन् ।

बल हान्ने प्रायसमा गीना रानासँग ठोक्किएपछि म्यानमारकी कप्तान विन थेइङ्गी तुन केही समस्यामा छिन् । उनी सँगै नेपालकी गीता राना मैदान बाहिर आएकी छन् ।

45+2'

कर्नर किक

म्यानमारले कर्नर पाएको छ । यो खेलकै पहिलो कर्नर हो ।

45+1'

नेपालले मध्यभाग नजिक पाएको फ्रिकिक गीता रानाले हानेकी थिइन् । तर म्यानमारका खेलाडीले क्लियर गरे ।

45'

पहिलो हाफमा ४ मिनेट इन्जुरी टाइम थप गरिएको छ ।

45'

पहेंलो कार्ड

नेपालकी रेनुका नगरकोटेलाई फल गरेपछि म्यानमारकी फ्यु फ्यु विनलाई पहेँलो कार्ड देखाइएको छ ।

44'

गोल गर्ने अर्को राम्रो अवसर गुमेको छ । म्यानमारका खेलाडीले बल गोललाइनबाट क्लियर गरेकी छन् ।

43'

फ्री किक

नेपाललाई मध्यभाग नजिक फ्रिकिक । गीता रानाको फ्रिकिकमा सविता रानाले राम्रो फस्ट टच लिन सकिनन् ।

39'

पुजा ठिक भएर मैदान प्रवेश गरेकी छिन् ।गीता रानाले फ्रिकिक हानेकी छन् ।

37'

फ्री किक

नेपाललाई डिफेन्सिभ एरियामा फ्रिकिक । पुजा राना रोक्ने क्रममा केही समस्या छिन् । उनलाई मैदान बाहिर लगिएको छ ।

36'

म्यानमारका फ्यु फ्यु विनले फ्रिकिक हानेकी थिइन् । बक्सबाट न ह्वेट ह्वेट वाईले हेड हानेकी थिइन् । तर बल बारमाथिबा६ बाहिर गयो ।

36'

फ्री किक

म्यानमारले अट्याकिङ एरियामा फ्रिकिक पाएको छ ।

34'

नेपालले राम्रो अवसर गुमाएको छ । सुरुमा रेखा पौडेलको पासमा सावित्राले हानेको प्रहार म्यानमारकी किपरले रोकिन् । पूर्ण रुपमा क्लियर नभएको बल सावित्राले बक्स भित्रबाट हेड हानेकी थिइन् । रेखा सिक्यस यार्ड बक्स नजिक थिइन् । उनलाई गोल गर्ने राम्रो अवसर थियो । तर बल प्रहार गर्न सकिनन् । म्यानमारको लागि खतरा टरेको छ ।

31'

म्यानमार किपर बक्स छाडेर अघि बढिसकेको अवस्थामा सावित्रा बल भेट्न अघि बढेकी थिइन् । राम्रो अवसर हुन सक्थ्यो ।तर म्यानमारका खेलाडीले बल क्लियर गरे ।

23'

great save by bimala bk म्यानमारलाई यहाँ राम्रो अवसर । क्रसमा प्राप्त बलमा सान थव थवले बक्स भित्रबाट सिधै प्रहार गरेकी थिइन् । नेपाली किपर एन्जिला अघि बढिसकेको अवस्थामा डिफेण्डर विमला विकले उत्कृष्ट बचाउ गरिन् । एन्जिला बीट भइसकेको अवस्थामा विमलाले गोल लाइन नजिक पुगेर बचाएकी हुन् ।

22'

फ्री किक

म्यानमारलाई फ्रिकिक । फ्यु फ्यु मिनले मध्यभागबाट सिधै नेपालको पोष्टमा प्रहार गरेकी थिइन् । उनको टिममेटले नेपाली बक्समा हेड हान्ने प्रयास गरेपनि सफल हुन सकेनन् । नेपाली किपर एन्जिलाले सहजै बचाइन् ।

20'

म्यानमारकी युन वादीले दायाँ भागबा६ हानेको लङ सट सिधै नेपाली किपर एन्जिलाको हातमा । उनले सहजै बचाइन् ।

नेपाल र म्यानमारबीचको फाइनल खर्ल हेर्न दशरथ रंगशालमा क्यापासिटी क्राउड छन् ।

17'

फ्री किक

गीता रानालाई म्यानमारका खेलाडीले लडाएपछि नेपालले आफ्नै पेनाल्टी बक्स बाहिर फ्रिकिक पाएको छ ।

लिग चरणमा नेपाल र म्यानमार एक आपसमा खेलिसकेका छन् । त्यसैले दुवै टिमलाई एक-अर्काको बलियो र कमजोर पक्षबारे थाहा छ । त्यसैले दुवै टोली फाइनलमा गल्ती गर्ने पक्षमा छैनन् ।

11'

खिन मो मो तुनले एक्लै बल अघि बढाएर हानेको प्रहार किपर एन्जिलाले डाइभ गर्दै सेभ गरिन् ।

11'

म्यानमारका लागि युव वादीले हानेको प्रहार नेपाली किपर एन्जिलाले बचाइन् ।

9'

सावित्राको फ्रिकिकमा सरु लिम्बुले बल भेटाएकी थिइन् तर उनले बल कन्ट्रोल गरेर प्रहार गर्न सकिनन् ।

8'

फ्री किक

नेपाललाई फेरि अट्याकिङ एरियामा फ्रिकिक ।

7'

नेपालका लागि गीता रानाले फ्रिकिक हानेकी छन् । पेनाल्टी बक्सका सावित्राले बल भेटेपनि कन्ट्रोल गर्न सकिनन् ।

6'

फ्री किक

नेपाललाई अट्याकिङ एरियामा फ्रिकिक ।

4'

नेपाललाई डिफेन्सिभ एरियामा फ्रिकिक ।

Kick Start

दुवै टोलीका खेलाडीहरु मैदान प्रवेश गरेका छन् । आजको खेल टेकचाम रन्जिता देवीले खेलाउँदैछन् । म्यानमार रातो र नेपाल निलो जर्सी लगाएर खेल्दैछन् ।

नेपाल अहिलेसम्म म्यानमार विरुद्ध जितविहिन छ । म्यानमारसँग ५ खेल खेल्दा नेपाल तीन खेलमा पराजित भएको छ भने दुई खेल बराबरीमा सकिएको थियो । यस्तो छ अहिलेसम्मको खेलको नतिजा ।

नेपाल र म्यानमार अन्तर्राष्ट्रिय महिला फुटबलको फाइनलमा खेल्न लागेको पनि यो दोस्रो पटक हो । यसअघि सन् २०१९ मा भारतमा भएको हिरो गोल्डकपको फाइनलमा पनि नेपाल र म्यानमार भिडेका थिए । त्यसमा म्यानमार ३-१ ले विजयी भएको थियो ।

नेपाल र म्यानमार यस च्याम्पियनसिपमा दोस्रो पटक खेल्न लागेको हो । यसअघि समूह चरणमा यी दुई टोलीले २-२ को बराबरी खेलेका थिए ।

म्यानमारले फाइनलमा आफ्नो बलियो टोली खेलाउँदैछ । अघिल्लो खेलबाट म्यानमारले ८ परिवर्तन गरेको छ । गोलकिपर मो म्या म्या नयिनसहित न ह्तेट ह्तेट वाई र यु पर खिने मात्र अघिल्लो खेलबाट पहिलो रोजाईँमा छन् भने अन्य खेलाडी परिवर्तन भएका छन् ।

फाइनल खेलका लागि दुवै टोलीले यसअघिको खेलबाट टिममा परिवर्तन गरेका छन् । नेपालले यसअघि लिग चरणमा म्यानमार विरुद्ध खेलेको टिमबाट दुई परिवर्तन गरेको छ । कप्तान एन्जिला तुम्बापो सुब्बा र फरवार्ड रेखा पौडेल पहिलो रोजाईँमा फर्किएका छन् । अन्जना राना मगर र रश्मि कुमारी घिसिङ आज बेन्चमा छन् । यस्तै म्यानमारले अघिल्लो खेलबाट ८ परिवर्तन गरेको छ ।

खेल साँझ ६ बजे सुरु हुनेछ । हामी खेल सम्बन्धि सम्पूर्ण अपडेट लिएर उपस्थित हुनेछौँ ।

नमस्कार ।इन्टरनेशनल वुमन्स च्याम्पियनसिप फुटबलको फाइनल खेलेको लाइभ अपडेटमा स्वागत छ । चार राष्ट्र सहभागि च्याम्पियनसिपको उपाधिका लागि आज घरेलु टोली नेपाल र म्यानमारबीच प्रतिस्पर्धा हुँदैछ । उक्त खेलको लाइभ अपडेट लिएर म गोविन्दराज नेपाल र प्रतिक भट्ट उपस्थित भइसकेको छ ।

अहिले युवतीहरूले किन ‘नो म्यारिज ट्रेन्ड’लाई रुचाइरहेका छन् ?

१२ वर्षभन्दा कम उमेरका बालबालिकालाई सिकाउनुपर्ने १२ कुरा

बालबालिका र आमाबुबाले एकसाथ हेर्नुपर्ने पाँच फिल्म, के सिक्छन् ?

संघीयताले बदलेको बैतडीको ‘कुलाउ’ गाउँ

कीएभमा रुसी क्षेप्यास्त्र हमला : ९ जनाको मृत्यु, ६३ घाइते

‘धन्यवाद’ र ‘कृपया’ भन्दा च्याट जीपीटीलाई करोडौँ डलर घाटा

तरहरा राष्ट्रिय कविता प्रतियोगिताको पुरस्कार राशि १ लाख ७० हजार, प्रमुख अतिथि तुलसी दिवस

‘जनताले राजा मागेका होइनन्, उही नेता लामो समय पदमा बसिराख्दा प्रश्न उठेको हो’

अन्नपूर्णले पोतेको खुसीका रङ (तस्वीरहरु)