बुटवल लुम्बिनीको भने यो दोस्रो हार हो । पहिलो खेलमा बुटवल ललितपुर सिटी एफसीसँग पराजित भएको थियो ।

आज बुटवलमाथि १-० को जितसँगै धनगढी अंक तालिकाको शीर्ष स्थानमा छ । लगातार दोस्रो खेल जितेको धनगढीले यसअघि पहिलो खेलमा वीरगञ्ज युनाइटेडलाई २-१ ले पराजित गरेको थियो ।

धनगढीले रोहण कार्कीको ठाउँमा हेमन्त श्रेष्ठलाई मैदान पठाएको छ ।

धनगढीको बेञ्चमा रहेका एक जना अफिसियललाई रेफ्रीले पहेँलो कार्ड देखाएका छन् ।

धनगढीका सब्स्टिच्युट खेलाडी अफिज ओलावलेले गोल गरेका छन् । उनलाई अहमद हिजाजीले पास उपलब्ध गराएका थिए । बुटवलका किपर अघि बढेको मौका सदुपयोग गर्दै ओलावलेले सुन्दर गोल गर्दै टिमलाई अग्रता दिलाएका हुन् ।

७ मिनेटको समय थपिएको छ । अहिलेसम्म कुनै टिमले गोल गर्न सकेका छैनन् । यो थपिएको समयमा होला त गोल ?

बुटवलका चन्दन दासले प्रहार गरेको बल धनगढीका पञ्च गरे । रिबाउन्डमा आशिष लामाले गरेको प्रहार बाहिर गयो ।

धनगढीका निशान लिम्बुले मैदान प्रवेश गर्ने वित्तिकै कार्ड पाएका छन् ।

धनगढीका आशिष चौधरीका ठाउँमा निशान लिम्बु मैदान प्रवेश गरेका छन् ।

धनगढीका रिचर्ड ओसीले पहेँलो कार्ड पाएका छन् । उनले बल अघि बढाउँदै गरेका बुटवलका स्टेफनलाई डी बक्स नजिकै फल गरेका थिए ।

बुटवलका सरोज तामाङले फल गरेपछि धनगढीका रन्दिप पौडेल घाइते भए । उनलाई फिजियोले मैदानमै उपचार गरेका छन् । यहाँ धनगढीले फ्रिकिक पाए पनि त्यो फ्रिकिप बुटवलका डिफेन्डरले क्लियर गरे ।

धनगढीका अहमद हिजाजले डी बक्स भित्रैबाट डियान्जी फलाउलाई हेडर पास दिएका थिए । तर बुटवलका डिफेन्डरले अवरोध गरेपछि त्यो बल क्लियर भयो ।

धनगढीका अफिज ओलावलेले बुटवलका दुई जना डिफेन्डरलाई बिट गर्दै डी बक्समा लगेर गरेको प्रहार फस्ट बार नजिकैबाट बाहिर गयो ।

बुटवलका आशिष लामाले धनगढीका ३ जना डिफेन्डरलाई बिट गर्दै क्रश गरेको बल निराजन धामी र स्टेफनले डी बक्स भित्र भेट्न सकेनन् ।

धनगढीका तर्फबाट एकै पटक ३ खेलाडी परिवर्तन । कमल श्रेष्ठको ठाउँमा रन्दिप पौडेल, आशिष चौधरीको ठाउँमा दियाग्ने फलाउ  अविशेष गुरुङको ठाउँमा अफिज ओलावले मैदान प्रवेश गरेका छन् ।

धनगढीका मनोज राईले कर्नर नजिकैबाट लामो थ्रो गरे । उनको त्यो थ्रो फोडे फोफेनाले हेड गरे । त्यो बल  डी बक्सको लाइनमा आशिष चौधरीले भेट्टाएर प्रहार गरे । डिफेन्डरलाई लागेर फर्कियो ।

धनगढीका रोहण कार्कीको प्रहार पोष्टमाथिबाट बाहिर गयो ।

लुम्बिनीका पासाङ लामाले डी बक्सबाट हानेको प्रहार बाहिर गयो ।

सरोज तामाङले दिएको पासमा जिलेस्पी जंग कार्कीले डी बक्सभित्रबाट गरेको शक्तिशाली प्रहार धनगढीका किपरले पञ्च गरेपछि बुटवलले कर्नर पाएको थियो । मणि लामाले हानेको त्यो प्रहार धनगढीले क्लियर गरेकाे छ ।

बुटवलका जिलस्पे ज‌ंग कार्कीले डी बक्सबाहिरबाट गरेको प्रहार पोष्ट नजिकैबाट गुडेर बाहिर गयो ।

एनएसएल आयोजकले दर्शकलाई पुरस्कारको व्यवस्था पनि गरेको छ । आयोजकका अफिसियल फोटोग्राफरले खिचेको फ्यान मोमेन्टको फोटो मध्ये उत्कृष्ट फोटो छानिएका दर्शकले फ्यान अफ दि म्याच हुँदै नगद ५ हजार रुपैयाँ नगद पुरस्कार प्राप्त गर्ने छन् ।

एनएसएल फुटबल मात्र नभएर गीत, संगीत र नृत्यको संगम पनि बनेको छ । खेलमा कुनै टिमले गोल गरेपछि मात्र होइन, हाफ टाइममा समेत चियर लिडरहरुले विभिन्न गीतमा नृत्य प्रस्तुत गरेर समर्थकलाई मनोरञ्जन प्रदान गर्ने गरेका छन् ।

बुटवलका स्टेफिनले आशिष लामाको पास पाएका थिए । उनकाे प्रहार सेकेन्ड बार हुँदै बाहिर गयो ।

पहिलो हाफमा एक मिनेट समय थपिएको छ ।

बुटवलका सरोज तामाङले डीबक्स भन्दा केही बाहिरबाट बल अघि पास दिएका थिए । तर बल लिन गएका सर्जे सङ अफसाइड भए ।

स्टेफिनको प्रहार किपरले पञ्च गरेपछि लुम्बिनीले कर्नर पाएको थियो । त्यो कर्नर मणिकुमार लामाले प्रहार गरे । जसलाई धनगढीका डिफेन्डरले रोके ।

धनगढीका मोहमद हिजाजीको प्रहार बुटवलका किपरले पञ्च गरे । रिबाउन्ड बलमा अविशेष गुरुङ्ले प्रहार गरेका थिए । त्यो बल दोस्रो बार हुँदै बाहिर गयो ।

एरिक विष्टले कर्नरबाट प्रहार गरेको बल जिलेस्पी जंग कार्कीले हेड गरेका थिए। तर त्यो बल धनगढीका अविशेष गुरुङले गोल लाइनबाट हेड गरेर बचाए ।

बुटवलका फरवार्ड जिलेस्पीजंग कार्कीले डी बक्सबाहिर मणि लामाबाट बल पाएका थिए । कार्कीले त्यसलाई प्रहार पनि गरेका हुन् । तर त्यो प्रहार सिधै धनगढीका किपर मोहमद ताहाको हातमा पुग्यो ।

बुटवलका सर्जे सङ्ले दायाँ साइटबाट दिएको पास जिलेस्पी जंग कार्कीले हेड गरेका थिए । तर बल पोस्टभन्दा केही माथिबाट बाहिर गयो ।

धनगढीका आशिष चौधरीका पासमा अहमद हिजाजले हानेकाे प्रहार बुटवलका डिफेन्डरले रोके  ।

अविशेष गुरुङले डी बक्सको लाइनबाट दिएको पास फोडेले दाया साइटबाट पोष्टमा प्रहार गरेका थिए । तर त्यसलाई किपरले बचाए ।

एरिक विष्टले डी बक्स नजिकैबाट हानेको फ्रिकिक धनगढीका गोल रक्षकले बचाए ।

बुटवलका मणिकुमार लामाले २८ यार्ड नजिकैबाट गरेको शक्तिशाली प्रहार धनगढीका गोल रक्षक मोहमद ताहाले बताउने क्रममा बाहिर गयो । तर यो कर्नर किकको फाइदा बुटवलले लिन सकेन ।

बुटवलका स्टेफनलाई धकेलेपछि धनगढीका कमल श्रेष्ठले पहेँलो कार्ड पाएका छन् ।

धनगढीका आषिश चौधरीले बायाँ कर्नरबाट बल अघि बढाएका थिए । तर त्यो बललाई सरोज तामाङले क्लियर गरेपछि पाएको कर्नर कमल श्रेष्ठले प्रहार गरेका थिए । तर त्यसलाई किपरले बचाए ।

तस्वीर : चन्द्रबहादुर आले/अनलाइनखबर

बुटवलका सरोज तामाङले पहेँलो कार्ड पाएका छन् ।

बुटवलका स्टेफनले समिर बिनोङले बायाँ कर्नरबाट तीन जना डिफेन्डरलाई बिट गर्दै बललाई ६ यार्ड बक्समा पुर्‍याएका थिए । तर त्यहाँ धनगढीका डिफेन्डरले उनलाई प्रहार गर्न दिएनन । र बल क्लियर भयो ।

खेल सुरु भएकाे पहिलाे मिनेटमै धनगढीले फ्रिकिक पाएकाे थियो । कमल श्रेष्ठले गरेको प्रहार बुटवलका खेलाडीले क्लियर गरेपछि धनगढीले कर्नर पायो । तर त्यो कर्नरको फाइदा धनगढीले उठाउन सकेन ।

  धनगढी एफसी पहेँलो जर्सीमा र बुटवल लुम्बिनी मरुन जर्सीमा मैदान प्रवेश गरेका छन् ।

  धनगढीको कप्तानमा देवेन्द्र तामाङ छन् भने बुटवल लुम्बिनीको कप्तानी एरिक विष्टले गर्दैछन् ।

आफ्नो पहिलो खेलमा धनगढीले वीरगञ्ज युनाइटेड एफसीलाई २-१ ले हराएको थियो भने बुटवल लुम्बिनी ललितपुर एफसी सिटीसँग २-0 ले पराजित भएको थियो ।

नमस्कार । नेपाल सुपर लग एनएसलको धनगढी एफसी र एफसी बुटवल लुम्बिनीबीचको खेलको लाइभ अपडेटमा तपाईँलाई स्वागत छ ।