नवप्रवेशी वीरगञ्जले भने लगातार दोस्रो खेल हारेको छ । वीरगञ्ज यसअघि धनगढी एफसीसँग पराजित भएको थियो ।

चितवनले एनएसलको इतिहासमा नवौं खेलमा आएर पहिलो जित हात पारेको छ । पहिलो सिजनमा खेलेका ६ खेलमा ४ हार र २ बराबरी गरेको चितवनले यो सिजनमा तेस्रो खेलमा आएर जितको स्वाद चाख्न पाएको छ । जारी सिजनमा चितवन एफसी पोखरासँग १-० ले पराजित भएको थियो भने दोस्रो खेलमा काठमाडौं रेजर्ससँग १-१ को बराबरीमा रोकिएको थियो ।

चितवनबाट रफिक अमिनुको ठाउँमा राजेश परियार मैदान प्रवेश गरेका छन्

वीरगञ्जका कृपाकान्त महतोले पहेँलो कार्ड पाएका छन् ।

९ मिनेटको समय थपिएको छ । खेलाडी घाइते भएकाले खेल रोकिएकाले ९ मिनेटको समय थपिएको हो ।

वीरगञ्जका तासमाला गुत्साभोले पहेँलो कार्ड पाएका छन् ।

वीरगञ्जका घाइते युवराज खड्काको ठाउँमा सुशील लामा मैदान प्रवेश गरेका छन् ।

चितवनका उत्सव पहिलादेखि नै घाइते देखिएका थिए । उनलाई स्ट्रेचरमा बाहिर ल्याइएको छ । उनको ठाउँमा अमृत श्रेष्ठ मैदान प्रवेश गरेका छन् ।

डी बक्समा चितवनका गोल रक्षक विशाल श्रेष्ठसँग अरु २ खेलाडी जुधेर लडेका छन् । उनीहरुको उपचारका लागि मेडिकल टिम मैदान प्रवेश गरेका छन् । विशाल तत्कालै उठे पनि चितवनका मार्को इभानोभिच र वीरगञ्जका युवराज खड्का उपचारपछि मात्रै उठेका छन् । युवराजलाई सहयोगीले डोर्‍याएर मैदान बाहिर ल्याएका छन् ।

चितवनका रोसन राना मगरलाई घाइते भएपछि स्ट्रेचरमा मैदान बाहिर ल्याइएको छ । उनको ठाउँमा नवयुग श्रेष्ठ मैदान प्रवेश गरेका छन् ।

वीरगञ्जले फेरि २ खेलाडी परिवर्तन गरेको छ । बिसन गुरुङको ठाउँमा सुनिल खड्का र ओबेड ओसोउको स्थानमा कृपाकान्त महतो थारु मैदान प्रवेश गरेका छन् ।

वीरगञ्जका विलियम ओपोकुले कर्नर प्रहार गरे । उनले प्रहार गरेको ग्राउण्ड बल डी भित्र वीरगञ्जकै खेलाडीले पाएका थिए । तर चितवनको डिफेन्स लाइनले उनलाई त्यो बल प्रहार गर्न दिएनन् ।

• चितवनका तोरिक जेब्रिनले गोल गरेका छन् । मैदानको मध्य भागतिर विमल घर्ती मगरबाट पाएको पासलाई जेब्रिनले एक्लै अघि बढाए । वीरगञ्ञजका ४ जना डिफेन्डरलाई बिट गर्दै उनले डी बक्स बाहिरबाट बायाँ खुट्टाले हानेको प्रहार किपरको दायाँ साइटको बार नजिकैबाट जाली चुम्न पुग्यो । यो गोलसँगै चितवन २-१ ले अग्रता बनाएको छ ।

वीरगञ्जका दिवाकर चौधरीले पहेँलो कार्ड पाएका छन् ।

चितवनका रफिक अमिनुको पासमा टोरिक जेब्रिनले बायाँबाट गरेकाे क्रस विमल घर्ती मगरले प्रहार गर्न खोजेका थिए । तर उनले बल भेट्नुअघि नै वीरगञ्जका डिफेन्डरले त्यसलाई क्लियर गरे ।

चितवनका रोसन राना मगरको पासमा अफ्रिय एसी क्वाहले डी बक्स बाहिरबाट गएको प्रहार किपर दीप कार्कीले पञ्च गरेर बाहिर फाले ।

वीरगञ्जका विलियम ओपोकु आसिदुले प्रहार गरेको कर्नरमा एकिन्स केइले हेडरबाट सुन्दर गोल गरे  । यो गोलसँगै खेल १-१ बराबरीमा पुगेको छ ।

पहिलो हाफमा १-० ले पछि परेको वीरगञ्ज दुई खेलाडी परिवर्तनसहित दोस्रो हाफमा मैदान प्रवेश गरेको छ । वीरगञ्जका हान्स कोफेको ठाउँमा युवराज खड्का र सुदीप गुरुङको ठाउँमा जय गुरुङ मैदान प्रवेश गरेका छन् ।

दोस्रो हाफको खेलका लागि खेलाडीहरू मैदान प्रवेश गर्ने तरखर गर्दै छन् ।

पहिलो हाफमा वीरगञ्जमाथि चितवन हावी देखिएको छ र चितवनले १-० को अग्रता पनि लिएको छ । दोस्रो हाफमा वीरगञ्ज खेलमा फर्किएला त ?

पहिलो हाफमा २ मिनेटको समय थपिएको छ ।

वीरगञ्जका विलिय ओपुकुले प्रहार गरेको बल चितवनका डिफेन्डरले क्लियर गरे ।

चीतवनका तोरिक र जेब्रिनले प्रहार गरेको बल वीरगञ्जका किपर तथा कप्तान दीप कार्कीले पञ्च गरे । रिबाउन्डमा रोसन राना मगरले प्रयास गरेका हुन् । तर उनी सफल भएनन् ।

वीरगञ्जका हान्स कोफीको प्रहार चितवनका किपर विशाल श्रेष्ठले पञ्च गरेर क्लियर गरे ।

चितवनका तोरिक जेब्रिनले दिएको पासमा रफिक अमिनुले प्रहार गरेको बल वीरगञ्जका किपर दीप कार्कीको हातमा पर्‍यो ।

विमल घर्ती मगरले सेन्टर नजिकै रोसन राना मगरबाट पास पाएको बल एक्लैले अघि बढाए । उनले ३ जना डिफेन्डरलाई बिट गर्दै बल डी बक्समा पुर्‍याए । वीरगञ्जका किपर अघि बढे र बिट भए । नेट खाली भएपछि विमलले कुनै हतार गरेनन् । उनले आरामले बललाई ६ यार्ड बल नजिकै पुर्‍याए । त्यहाँबाट बललाई पोस्टतिर छाडिदिएर उनी सेलिब्रेसनका लागि कर्नर तिर कुदे ।

• वीरगञ्जका तासमाला गुस्ताभोले चितवनका रफिक अमिनुलाई डी बक्स बाहिर लडाएपछि पाएको फ्री किक चितवनका तोरिक जेब्रिनले प्रहार गरे । त्यो प्रहार किपरले पञ्च गरे । रिबाउण्डमा उत्सव राईले गरेको प्रहार वीरगञ्जका डिफेन्डरले क्लियर गरेका थिए । त्यस क्रममा कर्नर भए पनि त्यसको फाइदा चितवनले उठाउन सकेन ।

वीरगञ्जका फरवार्ड हान्स कोफीले बल अघि बढाएका थिए । तर चितवनका किपर विशाल श्रेष्ठले क्लियर गरे ।

चितवनका रफिक अमिनुले डी बक्स बाहिर दाया साइटबाट वीरगञ्जका डिफेन्डर तास्मालोभ गुत्साभोलाई बिट गर्दै प्रहार गरेको बल पोलभन्दा केही टाढाबाटै बाहिर गएको छ ।

चितवनका टोरिक जेब्रियनले हानेको प्रहार सेकेण्ड बार हुँदै बाहिरिएको छ ।

खेलको तेस्रो मिनेटमा नै वीरगञ्जले २५ यार्डबाट फ्री किक पाएको छ । वीरगञ्जका विलियमका ओपोकुले प्रहार गरेको फ्रिकिकले लागेर चितवनका रफिक अमुनिय डी बक्समा लडेपछि रेफ्रीले खेल रोके । सामान्य उपचार पछि अमुनिय ठिक भएर खेल्न थालेका छन् ।

• नेपाली राष्ट्रिय टोलीका पूर्व प्रशिक्षक भीम थापाप्रति श्रद्धाञ्जली अर्पण गर्नका लागि १ मिनेट मौन धारण गरिएको छ । थापाको बिहीबार राति निधन भएको थियो ।

• खेलका लागि वीरगञ्ज निलो जर्सीमा र चितवन सेतो जर्सीमा मैदान प्रवेश गरेका छन् ।

एफसी चितवनको याे तेस्रो खेल हो । यसअघि चितवन एफसी पोखरासँग १-० ले पराजित भएको थियो भने दोस्रो खेलमा काठमाडौं रेजर्ससँग १-१ को बराबरीमा रोकिएको थियो ।

पहिलो खेलमा धनगढी एफसीसँग पराजित भएको वीरगञ्जको यो दोस्रो खेल हो ।

नमस्कार । नेपाल सुपर लिग एनएसल फुटबलमा वीरगञ्ज युनाइटेड र एफसी चितवनबीचको खेलको लाइभ अपटेडमा तपाईँलाई स्वागत छ ।