Dangadhi vs FC Chitwan

Nepal Super League 2025

२०८२ वैशाख ४, बिहीबार

Dhangadhi FC

George Prince Karki(7)

1 - 3 Full Time

FC Chitwan

Nodirbek Mavlonov(14),Jaya Gurung(45+1),Amrit Shrestha(50 (OG))

FC Chitwan won by 3-1

Dasharath Stadium, Kathmandu

लाइभ अपडेट लाइन-अप लाइभ भिडियो

२१ लिग खेलपछि प्लेअफ पुग्ने चारवटै टिमको टुङ्गो लागेको छ । क्वालिफायर वान र एलिमिनेटरको समिकरण पनि तय भएको छ । अब शनिवार हुने ललितपुर र धनगढीबीचको क्वालिफायर वानको लाइभ अपडेट लिएर उपस्थित हुनेछौँ । एनएसएलको आजको लाइभ अपडेटबाट म गोविन्दराज नेपाल बिदा माग्न चाहन्छु । हाम्रो साइटमा आईपीएलको पनि बल बाइ बल अपडेट जारी छ । ट्याब स्वीच गरेर हेर्न सक्नुहुनेछ । धन्यवाद, शुभ रात्री !

प्लेअफ अफ दि म्याच : नोदिर माभलोनोभ (एफसी चितवन)

लिगको अन्तिम खेलमा धनगढी एफसी विरुद्ध पुनरागमन जितसहित एफसी चितवन पहिलो पटक एनएसएलको प्लेअफमा प्रवेश गरेको छ । लिगको सुरुवाती दुई खेल जित्दै उत्कृष्ट सुरुवात गरेको चितवनले पछिल्ला दुई खेलमा हार व्यहोरेको थियो । तर अन्तिम लिग खेल्दै प्लेअफका लागि आफू तयार रहेको संकेत दिएको छ । योसँगै लिग चरणको खेलहरु सकिएको छ । अब चितवनले एलिमिनेटरमा पोखरा थण्डर्ससँग खेल्नेछ । त्यसअघि धनगढीले पहिलो क्वालिफायरमा साविक विजेता ललितपुर सिटीसँग प्रतिस्पर्धा गर्नेछ ।

Full Time

90+5'

कर्नर किक

धनगढीलाई कर्नर ।

खेलाडी परिवर्तन 90+5'

Pradip Bhandari Goalkeeper

Amal Knight Goalkeeper

90'

दोस्रो हाफको अन्त्यमा ५ मिनेट इन्जुरी टाइम थप गरिएको छ ।

खेलाडी परिवर्तन 87'

Bibek Gurung Defender

Shisir Lekhi Defender

ओलावाले रिप्लेस भएपछि धनगढीको कप्तान आर्मब्याण्ड अशोक खवासले लगाएका छन् ।

खेलाडी परिवर्तन 85'

Pasang Lama Defender

Afeez Olawale Forward

83'

चितवनका मिलन राईले दायाँ भागबाट सेकेण्ड बार च्याप्दै हानेको प्रहार बाहिर गयो ।

77'

कर्नर किक

धनगढीलाई कर्नर ।

72'

धनगढीका तेस्रो रोजाईँका गोलकिपर सन्तोष महत आफ्नो पोजिसन छाडेर धेरै बाहिर आएका थिए । उनलाई बिट गर्दै चितनवका मिलन राईले बायाँ भागबाट क्रस गरेका थिए । बल भिक्टोर मानसारेले पाएका थिए ।तर उनले धनगढीका डिफेण्डरलाई बिट गरेर पोष्टमा प्रहार गर्न सकेनन् ।

59'

कर्नर किक

चितवनलाई कर्नर ।

50 (OG)'

FC Chitwan - Amrit Shrestha

GOAL !

Goal!!! चितवनलाई ३-१ को अग्रता । धनगढीमा अमृत श्रेष्ठले आत्मघाती गोल गरे । चितवनका भिक्टोर मानसारेले दायाँ भागबाट हानेको क्रसलाई क्लियर गर्ने क्रममा अमृतले आफ्नै पोष्टमा गोल हानेका हुन् । चितवन अब प्लेअफतर्फ लम्किरहेको छ । काठमाडौै रेजर्सको मुटुको धडकन बढ्दैछ ।

50'

कर्नर किक

चितवनलाई कर्नर ।

47'

कर्नर किक

धनगढीलाई कर्नर ।

फिफाको १० वर्षे निलम्बन सकिएपछि एन्फाका पूर्व अध्यक्ष गणेश थापा आज एनएसएल हेर्न दशरथ रंगशालमा उपस्थित ।

धनगढील तेस्रो रोजाईको गोलकिपर सन्तोष महतलाई दोस्रो हाफमा मैदान पठाएको छ । योसँगै धनगढी जारी एनएसएलमा टिममा भएका सबै खेलाडी (२२) खेलाउने पहिलो टोली बनेको छ ।

Second Half Kick Off

खेलाडी परिवर्तन HT'

Santosh Mahat Goalkeeper

Jiyarat Sheikh Goalkeeper

पहिलो हाफमा चितवनले सुरुमा गोल खाएपनि पुनरागमन गर्दै अग्रता लिन सफल भएको छ । जर्ज प्रिन्सको सानदार गोलमा धनगढीले अग्रता लिएको थियो । तर नोदिरले पेनाल्टीमार्फत चितवनका लागि बराबरी गोल फर्काए भने जय गुरुङले इन्जुरी टाइममा गोल गर्दै चितवनलाई अग्रता दिलाए ।

Half Time

45+1'

FC Chitwan - Jaya Gurung

GOAL !

Goal!! चितवनले अग्रता लिएको छ । गोल गर्ने खेलाडी जय गुरुङ। छिरिङ गुरुङले दायाँ भागबाट दिएको क्रसमा भिक्टोर मानसराले छाडेको बलमा जयले गोल गरेका हुन् ।

45'

पहिलो हाफमा २ मिनेट इन्जुरी टाइम थप गरिएको छ ।

45'

फ्री किक

धनगढीलाई डिफेन्सिभ एरियामा फ्रिकिक ।

41'

चितवनका निरज चौधरीले बक्स बाहिरबाट हानेको प्रहार क्रस बार माथिबाट बाहिरियो ।

39'

अफ साइड

चितवनका खेलाडी अफसाइड ।

35'

कर्नर किक

चितवनलाई कर्नर ।

34'

भिक्टोर मानसारेको ब्याक पासमा कप्तान नोदिरले बक्स बाहिरबाट हानेको लामो सट सेकेण्ड बार छेउबाट बाहिरियो ।

रोबर्टो कार्लोस निर्धारित समयमा नेपाल नआएपनि उनी एनएसएलकै फाइनल अघिनै नेपाल आउने आयोजक एनएसइएमले जनाएको छ ।

20'

चितवनका अभिषेक लिम्बुको लङ सट । तर उनको प्रहार सिधै धनगढीका किपर जियराथको हात । जियारथले सहजै बचाउ गरे ।

18'

कर्नर किक

चितवनलाई कर्नर ।

14'

FC Chitwan - Nodirbek Mavlonov

GOAL !

Goal!! चितवनले पेनाल्टीमा बराबरी गोल फर्काएको छ । कप्तान नोदिरले पेनाल्टीमा कुनै गल्ती गरेनन् । धनगढीका किपर जियारथले सही डाइभ हानेपनि ढिलो भए ।

13'

पेनाल्टी

Penalty!! चितवनले पेनाल्टी पाएको छ । बराबरी गोल फर्काउने अवसर छ । चितवनका छिरिङ गुरुङले हानेको बल धनगढीका अशोक खवासको हातमा लागेपछि रेफ्री प्रज्वल क्षेत्रीले पेनाल्टी इशारा गरे । धनगढीका खेलाडीहरुले अपिल गरेपनि रेफ्रीले पेनाल्टी नै दिए ।

ब्राजिलियन लेजेण्ड रोवबर्टो कार्लोको नेपाल भ्रमण स्थगित भएको छ । एनएसएल आयोजक एनएसइएमले उनको १८ अप्रलिमा तय भएको नेपाल भ्रमण स्थगित भएको जानकारी गराएको छ । आयोजकले बिहीबार प्रेस विज्ञप्ती जारी गर्दै उनी आकस्मिक रुपमा विरामी भएको र केही कारणले गर्दा निर्धारित समयमा आउने नसक्ने जनाएको छ ।

Dhangadhi FC - George Prince Karki

GOAL !

Goal!! what a goal by GPK30!! धनगढीले अग्रता लिएको छ । जर्ज प्रिन्स कार्कीले करिब ३५ यार्ड टाढाबाट सानदार गोल गरे । उनले प्रशान्त लक्षमले आफ्नै भागबाट दिएको लामो पास चेष्टले कन्ट्रोल गरे अनी थोरै अघि बढाएर बायाँ भागबाट प्रहार गरेको बल सेकेण्ड बारमा गोल भयो । चितवनका गोलकिपर अमल नाइट थोरै अघि बढेकोले उनले बल रोक्ने अवसर नै पाएनन् ।

चितवनका शिशिर लेखीले बायाँबाट बक्समा क्रस गरेका थिए तर भिक्टोर मानसारेले बल छुनुअ३ि नै धनगढीका किपर जियारथले बचाए ।

Kick Start

दुवै टिमका खेलाडीहरु मैदान प्रवेश गरेका छन् । धनगढी पहेँलो र चितवन निलो जर्सी लगाएर खेल्दैछ ।

आजको खेल फिफा रेफ्री प्रज्वल क्षेत्रीले खेलाउनेछन् । नानी राम थापा मगर र किसन कनैया यादव असिस्टयान्ट रेफ्रीमा छन् भने नविन्द्र महर्जन फोर्थ अफिसियलमा छन् ।

धनगढीको लागि आजको खेल क्वालिफायर अघि वार्म अफ जस्तै हुनेछ । त्यसैले धनगढीले दोस्रो रोजाईँकै टोली मैदान उतारेको छ । पहिलो रोजाईँमा एक मात्र विदेशी खेलाडी ओलावाले खेल्दैछन् । चितवनका लागि भने आजको खेल गर या मरकै अवस्थामा छ ।

आजको खेलको अफिसियल लाइनअफ ।आज दुवै टिमको कप्तानी विदेशी खेलाडीले गर्दैछन् । धनगढीको आर्मब्याण्ड आफिज ओलावलाले लगाउनेछन् भने चितवनको कप्तानी नोदिरले गर्दैछन् ।चितवनका नियमित कप्तान अन्जन विष्ट आज बेन्चबाट सुरुवात गर्दैछन् ।

यस्तो छ दुवै टिमको पहिलो रोजाईँ।

लिग चरणको अन्तिम खेलअघि यस्तो छ अंकतालिका :

नेपाल सुपर लिग (एनएसएल) २०२५ को अहिलेसम्मको खेलको लाइभ अपडेट (कमेन्ट्री) खेल र खेलाडीको विवरण अंकतालिका र नतिजा यहाँ क्लिक गरेर हेर्न सक्नु हुनेछ ।

चितवन ५ खेलबाट ७ अंकसहित पाँचौ स्थानमा छ । चितवनलाई प्लेअफ पुग्न धनगढी विरुद्ध बराबरी नतिजा नै पर्याप्त हुनेछ । धनगढी पराजित भएमा चितवन लिग चरणबाटै बाहिरिनेछ भने काठमाडौं रेजर्स प्लेअफ पुग्नेछ । ६ खेल नै खेलिसकेको काठमाडौं ८ अंकसहित हाल चौथो स्थानमा छ । ६ खेलबाट ८ अंक नै रहेको पोखरा थण्डर्स काठमाडौंलाई गोल अन्तरमा पछि पार्दै प्लेअफ पुगिसकेको छ ।

यसअघि दुई पटकको उपविजेता धनगढी ५ खेलबाट ११ अंक जोडेर दोस्रो स्थानमा छ । आज जित वा बराबरीले धनगढीले शीर्ष स्थानमा रहेर लिग सकाउनेछ । धनगढीले क्वालिफायर वानमा ललितपुर सिटी एफसीसँग खेल्ने पक्का भइसकेको छ ।

धनगढी र चितवन दुवैको यो अन्तिम लिग खेल हो । यस खेलपछि प्लेअफ पुग्ने चौथो टोलीको टुङ्गो लाग्ने भएकोले प्रतिक्षित बनेको छ । यसअघि नै तीन टिम प्लेअफमा स्थान बनाइसकेका छन् ।

खेल त्रिपुरेश्वरस्थित दशरथ रंगशालमा साँझ ६ बजे सुरु हुनेछ । हामी यस खेल र खेलाडीको बारेमा सम्पुर्ण अपडेट दिँदै जानेछौँ ।

नमस्कार नेपाल सुपर लिग (एनएसएल) २०२५ को लाइभ अपडेटमा स्वागत छ । आज लिग चरणको २१औं खेलमा धनगढी एफसी र एफसी चितवनबीच प्रतिस्पर्धा हुँदैछ । यो लिगको अन्तिम खेलपनि हो । उक्त खेलको लाइभ अपडेट लिएर म गोविन्दराज नेपाल उपस्थित भइसकेको छु ।