Butwal Lumbini FC

Team Captain

Arik Bista

Coach

Pushpa lal Sharma

Butwal Lumbini FC [BIO]

बुटवल लुम्बिनी एफसी

यसअघिका पहिलो संस्करणमा प्लेअफ पुगेपछि दोस्रो संस्करणमा प्लेअफमा पुग्न नसकेको बुटवल लुम्बिनीले यस पटक पेपरमा राम्रो टिम बनाएको छ ।

नेपाली राष्ट्रिय टिमका मिडफिल्डर मनिष डाँगीलाई नयाँ मार्की प्लेअर बनाएको बुटवल लुम्बिनीले अर्का मिडफिल्डर एरिक विष्टलाई पनि रिटेन गर्‍यो ।

यस बाहेक अक्सनमा ठिकठाक देखिएको बुटवल लुम्बिनीले विदेशी खेलाडीमा ध्यान दियो । बुटवलले जापान देखि इंग्ल्याण्ड र अमेरिकन खेलाडी भित्र्याएर टिमलाई सन्तुलित बनाएको छ । तर बुटवलले गोलकिपरमा भने नेपाली खेलाडीमै विश्वास गरेको छ । बुटवलले विदेशी गोलकिपर राखेको छैन ।

विदेशी खेलाडीमा बुटवल लुम्बिनीले इंग्ल्याण्डका डिपेण्डरद्वय एडम मिट्टर र नाथन माभिला, जापानका केन्टा होरा र स्कटिस फ्रांक रोसलाई अनुबन्ध गरेको छ । यस्तै नाइजेरियन इजेकेल तामारा र घानाका फरवार्ड फिलिप अजालाई पनि बुटवलले भित्र्याएको छ ।

नयाँ सिजनका लागि बुटवलले नयाँ जोश र उर्जाका साथ टिम बनाएको छ । यस्तै मुख्य प्रशिक्षकमा भुटानका पुष्प लाल शर्मालाई नियुक्त गरेको छ ।

बुटवले युवा फरवार्ड निराजन धामीलाई रिटेन गरेको थियो । यस्तै बुटवले क्याटेगोरी सी को ड्राफ्टमा अनुबन्ध गरेको डिपेण्डर सुमन श्रेष्ठले भर्खरै राष्ट्रिय टिमबाट डेब्यु गरेका छन् ।

बुटवलमा राष्ट्रिय टिमको अनुभव भएका आधा दर्जन खेलाडी छन् । युवा र अनुभवी खेलाडीहरु भएको बुटवलले गोलकिपर बाहेक अन्य पोजिसनमा विदेशी खेलाडी अनुबन्ध गरेको हो ।

मनिष र एरिकसहित सुमन श्रेष्ठ, निराजन धामी, विमल पाण्डे, दीप कार्कीले राष्ट्रिय टिमबाट खेलिसकेका छन् भने टिकेन्द्र थापा पनि राष्ट्रिय टिममा परिसकेका खेलाडी हुन् । यस बाहेक टिममा डिफेण्डर सरोज तामाङ, मिडपिल्डर प्रदिप लामा र फत्तेमान लामा लगायत खेलाडी छन् ।

बुटवल लुम्बिनी स्क्वाड

गोलकिपर : दिप कार्की, टिकेन्द्र थापा

डिफेण्डर : सरोज तामाङ, विमल पाण्डे, सन्दीप कार्की, सुमन श्रेष्ठ, निङसाङ लिम्बु, खेमराज श्रेष्ठ, नाथन माभिला*, एडम मिट्टर*

मिडफिल्डर : मनिष डाँगी, एरिक विष्ट, प्रदिप लामा, फत्तेमान घले, फ्रांक रोस*, केन्टा होरा*

फरवार्ड : निराजन धामी, मनिष सेढाई‌, इजेकेल तामारा*, फिलिपि अजा*