शिव गाउँले

साढे तीन दशकदेखि पत्रकारितामा सक्रिय शिव गाउँले अनलाइनखबरका प्रधानसम्पादक हुन् । यसअघि उनी खोज पत्रकारिता केन्द्र (सीआईजे) का सम्पादक थिए ।  

नेपालको न्यायपालिकामा भएको घुसखोरीलाई पर्दाफास गर्ने अनुसन्धानलगायत भ्रष्टाचार, अनियमितता र गल्तीसँग सम्बन्धित कथाहरू उजागर गर्दै आएका उनले हिमाल खबरपत्रिकाको सम्पादकीय नेतृत्वमा रहेर दशक बढी काम गरिसकेका छन् । उनी अन्तर्राष्ट्रिय खोज पत्रकारहरूको सञ्जाल इन्टरनेशनल कन्सोर्टियम अफ इन्भेस्टिगेटिभ जोर्नालिस्ट (आईसीआईजे) का सदस्य हुन् ।

उनको सम्पादकीय नेतृत्वमा नेपाललिक्स र फिनसेन फाइल्स जस्ता खोजमूलक सामग्री उत्पादन भएका छन् । उनी नेपाल पत्रकार महासंघको पूर्व अध्यक्ष हुन् ।