आज पढाइ लेखाइमा प्रगति हुनेछ । बन्धु बान्धवबाट सहयोग मिल्नेछ । भाग्यले विभिन्न अवसर जुराउनेछ । सामाजिक र धार्मिक कार्यमा रुचि बढ्नेछ । विशेषगरि विदेशिएका विद्यार्थीहरूले सफलता हासिल गर्नेछन् । प्रेमी वा विश्वास गरेकाले साथ दिनेछन् ।  कुनै शुभकर्म गर्नु अघि लक्ष्मीजीलाई स्मरण गरि कार्य प्रारम्भ गर्दा राम्रो हुनेछ ।

महिनाको सुरुका दिन त्यति राम्रो देखिँदैन, अप्रिय समाचारले खिन्नता बढ्न सक्छ । पढाइलेखाइमा पनि ध्यान दिन नसकिएला । व्यापार व्यवसायमा समेत त्यत्ति फाइदा नहोला । महिनाको मध्यबाट काम देखाएर अरूको मन लोभ्याउन सकिनेछ । आर्थिक पक्ष सबल नै रहनेछ । सद्विचारले अभिप्रेरित हुनेहरूलाई बिस्तारै बढी लाभ मिल्नेछ । नयाँ कार्यको योजना समेत बन्नेछ । कुनै शुभकर्म गर्नु अघि शिवजीको आरधना गरी कार्य गर्नाले अधिक सफलता मिल्नेछ ।

समग्रमा यस राशिको लागि यो वर्ष मिश्रित फल प्राप्त होला । कर्म भावको शनिले राजयोग बनाएको छ । त्यसैकारणले भाग्यमा चमत्कारी परिवर्तन ल्याउने र आठ स्थानको मालिक द्वादशस्थानमा गएकाले खर्च बढाउने छ । भाग्येश र कर्मेशको एकल राजयोगले भने समय बलवान बनाउने छ । धार्मिक क्षेत्रको रुचि बढ्नुका साथै सामाजिक काममा अग्रसर बनिने छ ।

वैशाख पछिको समयमा गुरु प्रतिकूल हुने भएकाले घर जग्गा एवं गृह निर्माण जस्ता कार्य सुरु हुने छन् । असोज ३० गते पछि राहु मीन राशिमा प्रवेश गर्ने भएकाले आर्थिक उन्नतिको हिसाबले त्यसपछिको समय निकै उत्तम मानिएको छ । श्रावण महिनाको मध्यतिर मुद्दा मामिला, झुटा लान्छनाको सिकार बन्नुपर्ने छ ।

आफ्नो पराक्रम वृद्धि हुनाले वैदेशिक रोजगारीमा पनि अवसर प्राप्त होला । व्यापारिक सफलता प्राप्त गर्नुका साथै शारीरिक उमङ्ग र मनमा प्रसन्नता छाउने छ ।