आज आँटेको र ताकेको कार्य पुरा होला । शुभकार्यको चर्चा चल्नेछ । नयाँ कार्यको योजना बन्ने वा प्राप्ति हुनेछ । रोकिएका काम पुनः सुरु हुन सक्छन् । नजिकको व्यक्तिबाट कार्य पुरा हुनेछ । पारिवारिक जमघटमा मन रमाउनेछ । विशिष्ट व्यक्तित्वसँग भेटघाट हुनेछ ।  कुनै शुभकर्म गर्नु पूर्व वा यात्रामा जानु अघि संकटमोचक हनुमानजीलाई स्मरण गरि कार्य प्रारम्भ गर्दा अधिक सफलता मिल्नेछ ।

यो महिनामा प्रेम र मित्रताको बन्धन कसिनुका साथै दाम्पत्य सुखमा रमाउने समय छ । मन पर्ने वस्त्र, अलंकार आदि उपहार पाइने योग छ । स्वादिष्ट भोजनको आनन्द समेत पाइएला । २० गतेबाट स्वास्थ्यको ख्याल गर्नुहोला । साझेदारी काममा उल्झन आउनेछ । सामान हराउने वा चोरी हुने सम्भावना पनि छ । कुनै शुभकर्म गर्नु पूर्व वा यात्रामा जानु अघि विष्णु भगवानको दर्शन गरी कार्य आरम्भ गर्दा अधिक लाभ मिल्नेछ ।

धनु राशिका लागि यो वर्ष ग्रहगोचर शुभ रहेको छ । छैटौं स्थानमा मेष राशिको राहु रहनाले सत्रु पराजय हुनुका साथै सानातिना प्रयासले पनि महत्वपूर्ण कामहरु सम्पन्न हुने छन् ।

भाग्येश चन्द्रमा कर्म स्थानमा शुभ भएर बस्नाले नयाँ रोजगारी पाउनुका साथै पदोन्नतिका अवसर पनि प्राप्त होला । सहयोगीजनहरूको सहयोग प्रयाप्त रूपमा प्राप्त हुने छ । घर जग्गा एवं सवारी साधन जोड्ने योग छ ।

बोलीको प्रभाव बलियो हुनुका साथै अरुको विश्वास सजिलै जित्न सकिने छ । औद्योगिक कार्यमा संलग्नताको लागि वर्ष शुभदायी सावित हुने छ । कृषि एवं निर्माण काममा पनि उचित लाभ प्राप्त होला । राज्यस्तरीय सम्मान प्राप्तीको योग रहला ।

अनावश्यक विवादमा फस्नाले मानसिक विचलन भने बढ्न जाने छ ।