आज सुखदुःख बराबरी खालको समय छ । शुभ कार्य तथा सामाजिक क्षेत्रमा धन खर्च हुनेछ । कुनै कुरामा वैचारिक मतभेद सिर्जना हुनसक्छ । ताकेका काममा बाधा हुनेछ । झन्झटिलो काममा संलग्न हुनुपर्ने समय छ । प्रशंसकहरूले पनि आलोचना गर्नसक्छन् । कुनै शुभकर्म गर्नु पूर्व भोलेबाबालाई स्मरण गरि कार्य प्रारम्भ गर्दा राम्रो हुनेछ ।

यो महिनामा विशेषगरी न्यायिक कार्यमा सफलता मिल्नेछ । नयाँ वस्त्र, अलङ्कारको प्राप्ति हुनेछ । राजनैतिक कार्यमा पनि सफलता मिल्नेछ । नयाँ काम प्रारम्भ गर्ने मौका छ । प्रेमसम्बन्ध र प्रणयप्रसङ्गका लागि मधुर छाउने योग छ । छरछिमेकमा सम्पन्न हुने धार्मिक र सांस्कृतिक गतिविधिमा संलग्न हुनु पर्नेछ । घर ,जग्गा खरिद तथा बिक्रीको योग पनि छ । कुनै शुभकर्म गर्नु अघि सूर्य भगवानलाई स्मरण गरी कार्य आरम्भ गर्दा अधिक लाभ मिल्नेछ ।

वर्षको आरम्भमा अढैया शनिको प्रभाव र गुरुको केन्द्रीय दोषको कारणले स्वास्थ्यमा समस्या आउनुका साथै मनमा नकारात्मक प्रभाव बढ्ने छ । राहु र गुरुको संयोगले गुरु चाण्डाल योग बन्न जाने भएकाले धनमानको क्षति बेहोर्नुपर्ने छ ।

राहु र मंगलको प्रभावले भने महत्वपूर्ण काममा सफलता मिल्नेछ । गुरुको प्रभावले बोलीचालीमा मधुरता छाउने छ । परिवार र साथीभाइको साथ प्राप्तीले प्रतिस्पर्धात्मक काममा सफलता मिल्ने छ ।

व्यापारिक पक्षमा अढैया शनिको कारणले आर्थिक व्यवधान थपिने छ । धार्मिक एवं सामाजिक काममा झुटा आरोप प्रत्यारोप लाग्ने छ ।

शरीरमा रक्तश्राव एवं नशा सम्बन्धी समस्याले सताउने छ । आफ्नै प्रियजनबाट धोका पाइएला । पिता–पुत्रको सम्बन्धमा पनि विवाद निम्तने छ । राहु बलियो भएकाले आर्थिक पक्ष भने मजब्ुत बन्ने छ । पौष महिना पछि सत्रु भय कम हुने छ ।