आज मिष्ठान्न भोजनको अवसर प्राप्त हुने योग छ । आत्मबल पनि बढ्नेछ । कुनै समाचारले मनमा शान्ति छाउनेछ । कृषि तथा पशुपालनमा त्यति लाभ नभए पनि व्यापारमा प्रशस्त फाइदा हुने योग छ । तर, अनावश्यक धन र परिश्रम पनि खर्च हुने र स्वास्थ्य बिग्रनसक्छ । कुनै शुभकर्म गर्नुपूर्व लक्ष्मीनारायणलाई स्मरण गरि कार्य प्रारम्भ गर्दा अधिक सफलता मिल्नेछ ।

यो महिनामा यो महिनाको पूर्वार्द्ध आफन्त व्यक्तिले काम बिगारिदिने सम्भावना बलियो रहेको छ । नयाँ योजना कार्यान्वयनमा ल्याउन मुस्किल पर्ला । महिनाको उत्तरार्धबाट भने धार्मिक कार्य, व्रत, पर्वको उत्सव मनाइने सम्भावना समेत रहेको छ । मन पर्ने वस्त्र, अलंकार उपहार आदि पाइने योग छ । सांस्कृतिक क्षेत्रमा रुचि बढ्नेछ । प्रेम सम्बन्धमा मधुरता पनि छाउनेछ । शुभकर्म गर्नु अघि नवग्रहलाई स्मरण गरी कार्य आरम्भ गर्दा अधिक लाभ हुनेछ ।

गुरुको प्रतिकूल प्रभाव वर्षभरि नै रहनाले घरेलु समस्या बढ्नुका साथै नयाँ काममा पनि कठिनाइ आउने छ । शनि साढेसतिको प्रभाव भने वर्षभरि नै रहने छ । सो कारण रक्तश्राव हुनुका साथै शारीरिक समस्या थपिएर जाने छ ।

नोकरीमा सावधानी नअपनाए स्थानान्तरण हुनुका साथै पदमुक्तसम्मको जोखिम निम्तने छ । निर्दोष भए पनि अरुको आरोपमा आफू फसिएला ।

शनि र गुरुको दशम भावमा दृष्टि रहने भएकाले केही सकारात्मक पक्ष पनि बढ्ने छ । वर्षारम्भमा गुरु शुक्र र मंगल अनुकूल रहनाले अध्ययन तथा अध्यापनमा सफल बनिएला ।

सन्तानको प्रगतिका साथै बौद्धिक क्षेत्रमा अपेक्षाकृत लाभ प्राप्त होला । भाद्र महिनामा स्वास्थ्यमा समस्या उत्पन्न हुनुका साथै पारिवारीक विवाद बढ्ने छ ।