आजको दिनमा सफल रमाइलो यात्राको योग रहेको छ । धर्मकर्म तथा समाजसेवामा मन लाग्नेछ । नजिकको व्यक्तिको सहयोगबाट कार्य पूरा हुनेछ । वैदेशिक कार्य अघि बढ्नेछ आफ्नो क्षेत्रमा प्रभुत्व जमाउन सकिनेछ । तर, पारिवारिक समस्या बढ्न सक्छ ।  कुनै शुभकर्म गर्नु पूर्व वा यात्रामा जानुअघि आफ्नो इष्टदेवतालाई स्मरण गरि कार्य प्रारम्भ गर्दा राम्रो हुनेछ ।

यो महिनामा बोलीको भरमा कार्य सम्पादन हुनेछ । सहयोगीहरूले साथ दिनेछन् र काममा सोचेजस्तै सफलता मिल्नेछ । कुनै कुराले मनमा शान्ति छाउला । शैक्षिक क्षेत्रमा सफलता मिल्नेछ । जोशजाँगर र हिम्मत बढ्नेछ । ठीक समयमा सही निर्णय लिन सकिनेछ । कला र सांस्कृतिक क्षेत्रमा रुचि पनि बढ्नेछ, तर स्वास्थ्य प्रति सजगता अपनाउनु पर्नेछ । शुभकर्म गर्नु पूर्व आफ्नो इष्ट देवता लाई स्मरण गरी कार्य आरम्भ गर्दा शुभ फल प्राप्त हुनेछ ।

यस वर्ष मेष राशिको लागि बृहस्पतिको प्रत्यक्ष प्रभाव पर्ने भएकाले आर्थिक पक्ष शुभ छ । यस वर्षको समष्टिगत गोचर फल उत्तम रहेको छ । नवमेश गुरुको घरमा रहने भएकाले केन्द्रीय दोष लाग्ने छ । साथै मनमा भय, चिन्ता, त्रास जस्ता नकारात्मक प्रभाव बढ्न जानेछ ।

एकादश स्थानको एवगृही शनिले भने मध्यम फल प्रदान गर्ने छ । राहुको प्रभाव वर्षको उतरार्द्धसम्म रहने भएकाले धैर्यता अपनाउनु होला । वर्षको उतरार्द्ध पछिको समयमा नयाँ कार्य शुभ रहने छ । अरुको विश्वास जित्न सक्ने भएकाले व्यापार र कूटनीतिक पक्षमा सफलता प्राप्त होला । प्रेम सम्बन्धलाई विवाहमा परिणत गरिने छ साथै विवाहितका लागि सन्तान सुख प्राप्त हुने छ ।

गुरुको प्रत्यक्ष प्रभावले छात्रवृत्तिका साथै शैक्षिक येग्यताको लागि विदेश यात्रा होला । आफ्नो विश्वासपात्रबाट पूर्ण साथ प्राप्त हुनाले रोकिएको कामले गति प्राप्त गर्ने छ ।

वैशाखदेखि आश्विन माससम्मको समय शुभ रहे तापनि त्यसपछिको समयमा चोट पटक, लेनदेनका विषयमा विवाद, स्वास्थ्यमा केही समस्या उत्पन्न हुने छ । रोजगारी एवं राजनीतिक पक्षमा उतारचढाव आउने देखिन्छ ।