आज समयलाई मध्यनजर गर्दै काम गर्नुपर्छ नत्र समस्या बढ्न सक्छ । तपाईंको लागि नयाँ योजना कार्यान्वयनमा ल्याउन मुस्किल पर्नसक्छ । कार्यमा  बाधा आउनेछ । प्रेमी / प्रेमीकाका बिच मतभेद पनि बढ्ला, तर वैदेशिक, प्राविधिक र टेक्निकल कामहरूबाट लाभ मिल्नेछ ।  कुनै शुभकर्म गर्नु पूर्व वा यात्रामा जानु अघि गणेश भगवानलाई स्मरण गर्दा राम्रो हुनेछ ।

यो महिना समग्रमा सकारात्मक महिना रहेको छ । अतिथिको रूपमा सत्कार पाइनेछ । राजनैतिक कार्यमा सफलता मिल्नेछ । ठूला व्यक्तिले तपाइको मेहनतको प्रशंसा गर्नेछन् । कला र गलाको प्रभाव बढ्दै जानेछ । नयाँ काममा हात हाल्ने समय छ । सामाजिक कामको दायित्त्व बढ्नेछ । भूमि, वाहन र पैत्रिक सम्पत्तिबाट लाभ मिल्ने योग छ । कूटनीतिक नियोगको सहयोग मिल्नेछ । कुनै शुभकर्म गर्नु पूर्व शिवजी लाई स्मरण गरी आरम्भ गर्दा अधिक लाभ हुनेछ ।

समस्टिगत रुपमा ग्रहगोचर मध्यम रहेको छ । आद्य साढेसातको सुरुवातले खर्च बढ्नुका साथै अनेक विवादमा फसिने छ । कर्म स्थानमा गुरुको दृष्टि बलशाली भएकाले राज्यबाट उचित स्थान प्राप्त होला । सत्रुपक्ष भने वृद्धि भएर जाने छन् ।

शैक्षिक, व्यावसायिक, दर्शनिक एवं धार्मिक क्षेत्रमा सुधार आउने छ । नयाँ प्रेममा केही व्यवधान आउनुका साथै विवाह सम्बन्धमा बाँधिने अवसर प्राप्त होला ।
आर्थिक उन्नतिका लागि नयाँ माध्यम मिल्ने छ । वैदेशिक कार्यमा यस वर्ष ग्रहको पूर्ण साथ हुने भएकाले सक्रिय भएर अगाडि बढेमा सफलता हात पर्ने छ ।

अषाढ महिना भने व्यक्ति अनुकूल बन्ने छैन । भाद्र महिनामा बढी परिश्रम गर्नुपर्ने छ । माघ महिनामा भने पराक्रम बढ्नाले आर्थिक लाभ प्राप्त हुने छ ।