आज सुखदुःखमा साथ दिनेहरू भेटिनेछन् । दक्षतामा विभिन्न कार्यहरू सम्पन्न हुनेछन् । नयाँ कार्यको अवसर मिल्नेछ । घरमा अतिथिको आगमन हुनेछ । स्वादिष्ट भोजनको आनन्द समेत पाइएला । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । कुनै शुभकर्म गर्नु पूर्व नवग्रहलाई स्मरण गरि कार्य प्रारम्भ गर्दा राम्रो हुनेछ ।

सिंह राशि हुनेहरूका लागि बैशाख महिनामा गरेको कार्यमा सफलता नै पाइनेछ । वित्तिय संस्थाबाट सहयोग पाइनेछ । अचल सम्पत्ति हात पर्ने योग छ । व्यावसायिक काममा राम्रै फड्को मार्न सकिनेछ । परिवारजनको सहयोगले गर्दा कमबाट फाइदा लिन सकिनेछ । वैदेशिक क्षेत्रको लगानी लाभदायक हुनेछ । विपरीत वर्ग प्रति आकर्षण पनि बढ्नेछ । कुनै शुभकर्म गर्नु अघि दुर्गाजीको पूजा अर्चना गरि गरेको कार्यबाट अधिक सफलता मिल्नेछ ।

सिंह राशि भएका व्यक्तिलाई यो वर्ष ग्रहको पूर्ण साथ हुने छ । साहित्य, कला, संगीत क्षेत्रका व्यक्तिलाई अत्याधिक सफलता मिल्ने छ । पञ्चमेश गुरु भाग्य स्थानमा बस्ने भएकाले आँटेका कामका साथै अध्ययनमा सफल बनिने छ । आयात–निर्यात कार्यमा लाग्ने व्यक्तिहरूका लागि समय अनुकूल रहला । कूटनीतिक पक्ष भने मध्यम रहला ।

कार्तिक पछि राहुको नकारात्मक प्रभावले आर्थिक अभाव बढ्ने छ । राजनीतिमा संयमताका साथै धैर्यताका साथ अघि बढे सफलता मिल्ने छ । प्रिय व्यक्तिसँगको मित्रता प्रेम सम्बन्धमा बाँधिने छ । नयाँ कार्यको अवसर पनि प्राप्त होला । नोकरीमा पदोन्नति हुनुका साथै स्थानान्तरणको पनि अवस्था आउने छ ।

मनमा प्रसन्नता छाउनुका साथै शारीरिक स्फूर्ती बढ्ने छ । सामाजिक क्षेत्रबाट सम्मान मिल्नुका साथै धार्मिक यात्राको अवसर पनि प्राप्त होला । आफ्नो गोपनीयतामा जोड दिनुका साथै सजग बन्नु होला ।