शेयर बजार र कर

शेयर कारोबार गर्दा नाफामा लाग्ने पूँजीगत लाभकर व्यक्तिगत लगानीकर्ताको हकमा दुई वटा रहेको छ भने संस्थागत लगानीकर्ता हकमा एउटा मात्रै रहेको छ । यसरी लाग्ने करलाई बचत गर्ने दुईवटा उपाय छ ।

उपाय–१ : लगानी होल्ड अवधिका आधारमा

व्यक्तिगत लगानीकर्ताले शेयर बिक्री गर्दा जहिले पनि आफूले बिक्री गर्न लागेको कम्पनी कति अवधि भयो होल्ड गरेको भनेर जान्नु जरूरी हुन्छ । तपाईंले एक करोड रकम नाफा हुने गरेर आफूले होल्ड गरेको शेयर ३६४औं दिनमा बिक्री गर्दै हुनुहुन्छ भने तपाईंले ७.५%  कर तिर्नुपर्ने हुन्छ । त्यहीशेयर ३६६औं दिनमा बिक्री गर्नुभएको भए केवल ५%  मात्रै तिरे हुन्थ्यो ।दुई दिनले गर्दा कर बापत प्रत्यक्ष रूपमा २.५ लाख रकम बचाउन सक्नुहुन्थ्यो ।

यसरी लगानी होल्ड अवधि हेरेर हामीले पूँजीगत लाभकरलाई कम गर्न सक्छौं ।

उपाय–२ : आय विवरण बुझाएर 

हामीले हालकै अवस्थामा समेत कम्पनी तथा संस्थागत लगानीकर्ता सरह आफूले गरेको र प्रमाणित हुने खर्चहरू जस्तै बैंकको ब्याज, टीडीएस, कारोबारमा भएको क्यापिटल लस, व्यक्तिगत लेनदेनमा प्रमाणित हुने निस्सा तथा ब्याज भुक्तानी सहितको विवरण राखेर अडिटेड विवरण बुझाएको खण्डमा हामीले पहिल्यै तिरेको क्यापिटल गेन बापतको रकमलाई समायोजन गर्न सक्छौं ।

उल्लिखित दुई विधिबाट पूँजीगत लाभ बापत तिर्नुपर्ने करकम गर्न सक्छौं ।