डिम्याट खाता

‘मेरो सेयर’ एक अनलाइन प्लेटफर्म हो । सीडीएससीले डिम्याट खाता धारक (धितोपत्र धनी) लाई आफ्नो डिम्याट खातामा भएको जानकारी अनलाइन मार्फत हेर्नको लागि मेरो शेयर अनलाइन सेवा प्रयोगमा ल्याएको हो । यसले तपाईलाई डिम्याट खातामा विद्युतीय माध्यमबाट पहुँच प्रदान गर्दछ । तपाईलाई धितोपत्र लेनदेन, आईपीओमा आवेदन र पोर्टफोलियो व्यवस्थापनसँग सम्बन्धित विभिन्न कामहरू गर्न सजिलो बनाएको छ । यसलाई लगानीकर्ताले ‘मेरो सेयर’ भनेर चिन्छन् ।

१. ‘मेरो सेयर’ को सुविधा लिन चाहने लगानीकर्ताले आफ्नो निक्षेप सदस्यकोमा गई फारम भर्नुपर्छ । फारमको नमूना तल दिइएको छ ।

२. फारम बुझाइसकेपछि निक्षेप सदस्यले ‘मेरो शेयर’ खाता खोली प्रयोगकर्ताको डीपी आईडी, लगइन आईडी, पासवर्ड र ‘मेरो शेयर’को लिंक लगायतको जानकारी सम्बन्धित प्रयोगकर्ताको इमेल ठेगानामा पठाउँछ ।

(प्राप्त हुने नमूना)

३. आफ्नो इमेलमा प्राप्त भएको लिंक meroshare.cdsc.com.np लाई सेलेक्ट गरेपछि मेरो शेयरको पेज खुल्छ, जुन यस प्रकार देखिन्छ ।

४. लगइन गर्नका लागि ‘सेलेक्ट योर डीपी’ लेखिएको ठाउँमा तपाईले डिम्याट खाता खोलेको बैंक, वित्तीय संस्था वा ब्रोकरको नाम छान्नुपर्छ ।
५. युजरनेम लेखिएको ठाउँमा आफ्नो बीओआईडीको अन्तिम आठ अंकमध्येको अघिल्लो भागमा रहेका शून्यहरू बाहेकको अंक राख्नुपर्छ ।
६. पासवर्ड लेखिएको ठाउँमा इमेलमा प्राप्त भएको पासवर्ड टाइप गरी लगइन बटन थिच्नुहोस् ।
७. ‘मेरो शेयर’ सफ्टवेयरमा पहिलो पटक लगइन गरिसकेपछि अनिवार्य रूपमा पासवर्ड परिवर्तन गर्नुपर्छ । पासवर्ड परिवर्तनपछि फेरि लगइन गर्नुपर्छ । लगइन पश्चात् ४ अंकको पिन सेट गर्नुपर्छ, जुन पिन आईपीओ भर्दा आवश्यक हुन्छ ।
८. डिम्याट खातामा रहेका शेयर विवरण हेर्न बायातर्फ मेनुमा रहेको ‘माई शेयर’ लाई थिच्नुहोस् ।

(डिम्याटमा रहेको सेयर विवरणको नमूना)

डिम्याट खातामा देखाएका सम्पूर्ण विवरणहरू शतप्रतिशत सुरक्षित हुन्छन् । तर पनि तपाईलाई आफ्नो सेयर विवरणहरूको अभिलेख भौतिक रूपमा पनि चाहिएको खण्डमा प्रिन्ट गरी राख्न सक्नुहुन्छ ।